Shillong,jylliew 7 : U Director ba dei peit iaka tnad Sam bam ka jylla u Prabin Bakshi u la phah ia ka jingbthah sha baroh ki deputy commissioner,Jowai,Khliehriat,Nongpoh,Mawkyrwat, Tura, Shillong,Nongstoin, William Nagar,Baghmara,Ampati,Resubelpara,bad sha ki SDO ka Dadenggre,Amlaram,Sohra bad Mairang ba kin pynrung kyrteng ha ki ration kard.
Haka tei ka shithi u Director ka tnad sam bam u la bthah ia baroh ki DC bad ki SDO,namar katkum ka shithi kaba lah ioh na ka tnat sam bam ka sorkar pdeng kala bthah ia ki sorkar jylla ban pynrung kyrteng ia ki long iing ba duk ba kyrduh ba kin ioh ration kard hapoh jong ka NFSA bad ia kane ka kam dei ban pyndep ha lane shwa 19 tarik Risaw 2021.
Ia kane ka jingbthah lah dep ban phah sha ki DC bad SDO naduh ka saw tarik mynta u bnai bad lah ai ruh ka hukum ba ki DC bad SDO ba kin pyntip sha ka tnad sam bam ha lane shwa ka 11 tarik mynta u bnai la kila sdang ne em ban pyntreikam.
