Shillong, Rymphang 02: Ka kynhun ki nongniah kali kamai kaba la tip kum ka East Khasi Hills Local Texi Welfare Association ki la leit ban buh jingthoh ha u deputy Director ka NEGHRIM halor ban pan jingpynshai halor ka jingpynbna na ophis.
Ha kane ka jingleit ban buh jingthoh ha u deputy Director ka NEGHRIM la ialam da u President ka Association u bah Wandonbok Jyrwa. Namar ka jingbymdon u deputy Director ka NEGHRIM la ioh ban aiti ia ka jingthoh ha u SE jong u Director.
U President ka Association u bah Wandonbok Jyrwa u la ong ba ka jingeh jong ki nongniah taxi hi ka dei namar ka jingbymshah ka bor pyniaid ka NEGHRIM ban pynieng ia ki nongniah kali kamai.
U la ong ba ka NEGHRIM ka la.dei ban don ka la jong ka jaka buh kali na ka bynta ki kali kamai, kata ruh tang namar ki jingdonkam emergency, namar kane ka jaka ai jingsumar ka dei kaba ai jingshakri ia baroh ki jylla ka thaiñ NorthEast.
U la buh ka jingkyrpad ia ki department ba pher ba pher ba kim dei ban niewpoh ia ki nongñiah kali lane ki ba wan na ki kali kamai, ki kali kamai hi barabor la ju lap bad iohi ruh ba ki kali teng teng ki shah pyndonkam kum ki kali kit nongpang, wat ka aiñ ruh ka ong ba lada lap kino ki accident ha surok long ba la kloi ban pynkit ia ki sha hospital. Ngi ngi sngew iamrem ia kane ka jingleh ka Administration ka NEGHRIM u la ong.
Hynrei Namar ka jingbymdon u deputy Director ka NEGHRIM u ba dei peit ia kane ka kam ki bor pyniaid ka NEGHRIM ki la buh por ia ka Association ba kin wan kynduh biang ia u deputy Director lashisngi kana dei ka 5 tarik Rymphang 2025.