Shillong, Nohprah 17: San tylli ki mat baka JSU seng kmie ka lah wanrah haka jingiakren bad iathir ha shuwa ka sorkar kan pynbeit u pud u sam hapdeng ka jylla Meghalaya-Assam, ba lah khot da ka sorkar jylla ha ka sngi ba lah dep ha secretariat-
Ban kynthup lang iaki nongsynshar shnong,elaka,hima ki raij bad ki syiem bad ki District council hapoh ka Regional committe jong ka sorkar.Ka sorkar ka dei ban lum bha iaki kot ki sla bad peit bniah iaki shuwa ban pynbeit pud hynrei ioh poi sha ka jingbakla.
Ka seng ka lah ai jingmut iaka district council lyngba ka sorkar jylla ba dei ban jied ne buh biang ia u Dalloi jong ka Labang- Nongphyllut Elaka kaba lah jah noh haki snem ba mynshuwa bad mynta bun kine ki shnong ki hap shapoh Block 1.
Ka seng ka lah ai jingmut iaka sorkar jylla daka ba ai daka dorkhas ka barim sha u Home Secretary ka sorkar jylla bad dei ban buh iaka Police Outpost haka shnong Mukroh namar naduh u snem 2015 lah dep ban dawa iaka juh bad haduh mynta ka sorkar kam pat leh eiei.
Ka seng ka lah ong ba ba ka jingbuh iaka Police outpost ha Mukhroh kan myntoi shibun iaki nongshong shnong namar ki pulit na West Karbi Anglong ki pyndik shibun iaki nongshong shnong ba sah sha khappud.
