Buh kyndon ka SWS-EJHD  ha kane ka MLA elekshon sha ka iing dorbar thawain 2023

Shillong, Kyllalyngkot 25: Ka Synjuk Waheh Shnong East Jaintia Hills District, ha ka Executive Committee jong ka kaba la long ha ka 23 tarik mynta u bnai, ha nongbah Khliehriat, hadien ka jingiatai sani bha kaba jur halor ka jingdonkam ban pynneh pynsah ia ka shongsuk ka shongsaiñ bad na ka bynta ka bha ka miat.

Kane ka long ruh ruh na ka bynta ban ialeh ban wanrah ia ka election kaba khuid kaba shida hapoh jong ka thaiñ East jaintia Hills District,  da kawei ka jingmut ka la rai ban buh noh da ki kyndon kiba pyrkhing na ka bynta ka General Assembly Election 2023 bad kita ki long kumne harum:-

Yn shah tang hapoh 15 tylli ki kali rit kynthup bad ka kali jong u candidate na ka bynta kane ka Meghalaya General Assembly Election 2023 ban rung sha kano kano ka shnong hapoh u pud u sam jong ka East Jaintia Hills District, ha kaba u kyrtong u leit rung ban pynlong ia ka jingialap election paidbah.

Lada donkam rally, yn shah tang shisien ia u wei u wei u candidate ban pynlong rally paidbah.Ka por ialap election ka dei ban long kat kum ka por ba la buh da ki bor sorkar ba dei peit, bad ruh ba ym dei ban pynjakhlia pynjaboh ia ka sawdong sawkun ha ka por ialap election.

Yn ym shah ia kiba nabar shnong ban leit sha ka jaka ialap election paidbah jong uno uno u candidate kaba u pynlong ha kano kano ka shnong lait noh na kitei  kitei ki nongbud jong u kiba la wanlang bad u hapoh jong kitei ki 15 tylli ki kali rit bad ki trai shnong jong kato ka shnong ha kaba u candidate u leit pynlong ia ka jingialap election paidbah.

Kumta, ka SWS-East Jaintia Hills District, ka kyrpad ia ka jingiatreilang jong ki Dorbar Shnong baroh hapoh jong ka East Jaintia Hills District da kaba kin sngewbha ban pyntrei kam ia kitei ki kyndon ba la kdew haneng hapoh jong ki shnong ki thaw jong ki.

Kumjuh ruh, la kyrpad ruh ia baroh ki candidate ha baroh artylli ki Assembly Constituency jong ka East Jaintia Hills District ban iatreilang bad ka SWS-East Jaintia Hills District bad ruh bad ki Dorbar Shnong hapoh ka East Jaintia Hills District, da kaba bud beit bud ryntih ia kitei ki kyndon jong ka seng, kiba la kdew haneng.

Shuh shuh, ha ka jingiadei bad kitei ki kyndon jong ka seng, lada ki shnong hapoh jong ka East Jaintia Hills District, kin dang lah ban pynbha shuh shuh ia kitei ki kyndon ba la kdew haneng, kat kum ba la iohi ba lah don ki katto katne tylli ki shnong ha East Jaintia Hills District kiba la teh da ki kyndon ba khambha shuh shuh, kan long ka jingkyrkhu kaba khraw shikatdei eh ia ka District hi baroh kawei.

Ha ka jingiadei bad kane ka jingthmu ba bha jong ka seng, ka SWS-East Jaintia Hills District, ha ryngkat bad ka dorkhast jong ka, ka la dep iakynduh bad ruh iakren sani bha bad u Deputy Commissioner jong ka East Jaintia Hills District, bad ka seng ka la kyntu ruh ruh ia u ban phah kloi kloi ia ki lad jingiarap ha kino kino ki por ba donkam kyrkieh jong kano kano ka shnong lane jong kino kino ki briew.

Ha ka juh ka por, ka SWS-East Jaintia Hills District, ka kyntu ruh ia baroh ki paid nongshong shnong jong ka East Jaintia Hills District ba kin sngewbha ban iatreilang baroh ha la ki jong ki jong ki jingkot bor jong ki ha ka ban pynneh pynsah ia ka shongsuk ka shongsaiñ, bad ruh na ka bynta ka jingiaid beit iaid ryntih bad halor ka jingialeh ban wanrah ia ka election kaba khuid kaba shida hapoh shnong poh thaw bad ha ka thaiñ East Jaintia Hills District hi baroh kawei.

Kane ka long kat kum u kyrwoh khubor ba la pyllait da u President, u Ma Hambertus Nongtdu bad u General Secretary, u Ma Jespar Bareh jong ka Synjuk ki Waheh Shnong East Jaintia Hills District.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet