Shillong, Naitung 25: U Myntri Sorkar Pdeng ba dei khmih ia ka tnat Kam Pohiing, u Amit Shah, ha ka sngi ba ar jong ka jingleit jong u sha Meghalaya, u la plie ia ka Green Sohra Afforestation Campaign haSohra mynta ka sngi. UAmit Shah u laplie ruh ia ka Greater Sohra Water Supply Scheme.
Ha kane ka sngi, la iadon lang ruh u Myntri ka DoNER, u G. Kishen Reddy, u Myntri Khynnah ka tnat Science & Technology bad Department of Space, Dr.Jitendra Singh, u Myntri Khynnah ka tnat DoNER, u B.L. Verma, u Myntri rangbah ka Jylla Meghalaya, u Conrad Sangmabad ki heh Sorkar Pdeng bad Sorkar Jylla.
U Amit Shah u la ong ‘Evergreen Northeast’ da kaba ba jur halor ka jingdonkam ia ka jingpynkhie im ia ki jaka khlaw bad ka jingthungdieng. U Myntri Kam Poh Iing u la ong ba mynshuwa, ka Cherrapunji ka dei ka jaka ba hap slap baroh shi snem, hynrei namar ka jingreppahar na ka bynta ka roi ka par, ka jinglong jingman ka la pher.
U la ong ba kane ka projek ka dei na ka bynta jingpynkhie im biang ia ka jingtap khlaw mynta ka sngi. U Amit Shah u la ong ba ka Assam Rifles kan shimti ia kane ka kam ha kylleng ka Cherrapunji.
U ong ba ki briew ki jupom ia ki deing ban ioh diengthang bad ia kiwei kiwei ki kam, kumta ha 80% jong ka jaka yn thung da ki deing kiba im slem bad ha 20% yn thung da ki jingthung ban ai bam ia ki jingri, ki jingthung ba buh kai bad ka jaka sarakabanpynlait na ka jingpompathar ia ki dieng.
Lyngba kane ka rukom treikam, ki jaka khlaw ki heh kham stet 30% bad hadein 3 snem, ym donkam sumar shuh ia kine ki jaka. U Shah u la ong ba kane kan khring bha ia ki nong jngohkai pyrthei kiba ieidmariang bad ba kan kan iarap bha ia ka kam jngohkai pyrthei jong ka Jylla Meghalaya
U Shah u la ong ba ka ri ka long kaba tylli namar ka jingdon ki kynhun shipai kiba iada ha ki jaka khappud jong ka ri. Ha kine ki ar snem ba la leit ki shipai ki la iatynronglang ia ka jingkitkhlieh ban kyntiew ia ka mariang bad haduh mynta ki la thung shi klur saw phew phralak ki dieng bad na kine shi klur laiphewhynriewlak ki la heh.
U la ong ba mynta u snem ruh yn thung kumba shi klur ki tynrai dieng ha ki jaka bapher bapherda kaba pynlong kum ka mat treikam bad ha ki lai snem ban wan la buh thong ban thung 1 million ki dieng ha ki 1000 hectare.
U Myntri Sorkar Pdeng ba dei peit ia ki kam Pohiing u la ong mynta ka pyrthei baroh kawei ka iakhun pyrshah ia ka jingkhluit bad ka jingkylla ka suinbneng. U NarendraModi u la leh ia ka kam ban pynduna ka jingpymih carbon da kaba sam ia ki tyndongshetjingshet ha kylleng ka ri bad mynta ka India ka don hakhmat eh ha ka hydropower bad ki kam pynmih bordingsolar.
U Shah u la ong da kane ka jingpynkhrehia ka rukom treikam ba la tyrwa da u Modi ha Paris Agreement, ka pyrthei baroh kawei ka iakhun pyrshah ia ka jingkhluit bad ka jingpynduna ka jingpyllait carbon. U Shah u la ong ba ka jingiakhun kaba ngihap ban iakhun kam lah ban long kaba jop khlem ka jingiatreilang ki paidbah ha ka panchayat ha ki distrik bad talukapanchayat.
U Shah u la kyntu ia baroh ki panchayat ban iatreilang ha ki prokram thung dieng ba la sdang da ki kynhun shipai ha ki jaka bapher bapher, ban iasnohkti lang bad ki bad iarap ia ki kynhun shipai ha ka jingthung 10 klur ki tynrai dieng bad ban sumar ia ki.
Ha ka jingai jingkren, u Amit Shah u la ong kum shi bynta ka projek ba kongsan jong u Myntri Rangbah duh ka ri , ka JalJeevan Mission, ka Tnat DoNER bad ka sorkar Meghalaya hapoh ka skhim North East Special Infrastructure, ka Greater Sohra Water Projek kaba shongdor T.25 klur, kan pynbiang umdih kaba khuid lyngba ki kor um sha manla ki thliew iing.
U Shah u la ong ba lada ka tyllong jong ka um kam long kaba khuidkumta ki briew kin nym long kiba koit ba khiah, dei namar kata u Modi u la buh thong ban pynbiang umdih kaba khuid sha manla ki thliew iing ha ka jylla jong ka Meghalaya bad ka ri hashuwa ban dap 75 snem ka jingioh jinglaitluid ka ri bad 50 snem ka jingioh ka Meghalaya ia la ka jong ka jylla.
Ka don ka prokram ban pynbiang umdih sha 2,80,000 ki longiing ha ka jylla Meghalaya, ba la phiah ha ki 1874 tylli ki projek barit. U Amit Shah u la ong ba ka kam ban pyndep ia kum kine ki projek ha kane ka thain kalong kaba kongsan bha bad kaba kham jynjar.
Ka Sorkar Pdeng haduh mynta ka la mang T. 400 klur bad katba ka kam ka nang iaid shakhmat yn nang mangpisa shuh shuh. U Shah u la ong ba ka Assam Rifles ka don ia ka histori ba kano kano ka kam ba la ai sha ki ha ki 180 snem ba la leit, ki pyndep ia ki ha ka por.
Barohki Central Armed Police Forces (CAPF) ki la thung dieng ha kylleng ka ri mynta ka sngi kum shi bynta ka prokram thung dieng ba la plie ha ka sienjam jong u Myntri ki Kam Pohiing, u Smit Shah. Mynta ka sngi palat 16 lak bad 31 hajar tylli ki tynrai dieng la thung hapoh kane ka campaign.
U Amit Shah u la buh syntiew ha ka durmot jong u Swami Vivekananda ha Ramakrishna Mission, Sohrabad iashim bynta ha ka jingialang duwai. U Shah u la iakynduh ruh ia ki kynrem ki lyndan jong ka Ramakrishna Mission.
