Shillong, Nailar 22: Da ki phew ngut ki briew kiba la shim ia ka kam lum tiar jot na Marten ha Mawlai Mawiong kum ka lad kamai ban bsa ia ka iing ka sem ka jong ki da kaba tam tiar jot khamtam ki plastic kiba la wan theh da ki kali bret nuid ha katei ka jaka.
Haba u SP News Agency, mynta ka sngi u la leit ban peit sha katei ka jaka bret nuit, la shem ba bun ki long kmie, ki long kpa kiba la ia don ha katei ka jaka kila lum ia ki bilor ki tin jot katba ka kor JCB ka dang kyntur ban lum thup ia ki niut.
Ha kane ka jaka la iohi ba kine kiba la shim ia kane ka kam lum tin jot bad lum bilor plastic na kane ka jaka bret nuit kila buh la ka jong ka jong ka jaka lum ban buh iaki tiar jot kiba la lum na kane ka jaka theh nuit.
Haba la ia kren bad u wei na ki nongtrei ka Shillong Municipal ba don ha katei ka jaka khlem da kwah ban pynpaw ia ka kyrteng, u la ong ba na ka liang jong ka ophis kala juh ong ia kine ki briew kim treh ban kohnguh ba kin sangeh ia kane ka kam namar ka kamai jong ki ka long kaba heh.
Ban iada ia kane ka jingsma iewtung na ka ophis ka juh synreit dawai ia ki nuit kiba la lumthup ha katei ka jaka namar ha ka por ba ka mashin JCB ka pynkhih ia ki nuit ka mih ka jingsma da kaba synreit ia kane ka dawai ka pynjah ia ka jingsma.
