Shillong, Naitung 15: U bah Aristotle Rymbai President jong ka Meghalaya SSA School Association (MSSASA) mynta ka sngi u la pynbna ba ki nonghikai SSA kiba don ha kane ka seng ki sdang ia ka jingiakhih kaba khlem buh por naduh ka sngi nyngkong ban wan ha jaka ieng kali ha jan Additional Secretariat.
Haba kren ha ki lat pathai khubor ha dien ba la ia kynduh ia u bah R.Rapthap Secretary ka tnad pue puthi, la ong ba ka jingiakynduh ia u secretary kam long kaba sei soh namar ki khlem ioh ia kaei kaba ki dawa ban ioh noh ia ka tulop kaba la sah mynta hynriew bnai.
Namar ka jingbymhun ia ka ei kaba ka sorkar kam lah ban ai ia ka jingdawa ka jong ki ia ka tulop, la ong ba ha ka 5th Naitung mynta u bnai kila ia kynduh ia u myntri ka tnad pule puthi bad kila ong ba lada ka sorkar kam pynurlong ia ki jingdawa shuwa ka 15th Naitung 2022 kim ban se ban pynlong ia ka jingiakhih.
Ka jingdawa jong ki ka long ha kaba ia dei bad ka tulop jong ki kaba la san san bnai, ar bnai jongu snem mang tyngka 2021-2022 ba dei jong u bnai Kyllanglyngkot bad Lber bad lai bnai jong u snem mang tyngka 2022-2023 na dei jong u bnai Rymphang, Iaiong, Jymmang.
Kawei pat ka jingdawa ka long ban pynkiew ia ka tulop jong ki nonghikai SSA, ka sorkar ka dei ban kham pynbun ha ka jingpang pisa na ka bynta ka SSA na ka bhah jong ka sorkar jylla bad kaba saw ka long ban pynynriah noh ia ki nonghikai SSA sha ki skul sorkar.
Ha kane ka jigniakynduh bad u Secretary ka tnad pule puthi jong ka jylla kam shym don kano kano ka jignsei soh bad kim hun ia ka jingikren namar ka jingkular jong u mytnri ka tnad pule kam shym la urlong kumba kila ia kren.
