Shillong, Nailar 04: Mynta ka sngi por step ki pulit jong ka Mawlai Police Station kila ioh jingtip ba ka don kawei ka met iap jong u rangbah briew ha wah Umshing bad na ka liang jong ki pulit kila khot ia ka kyndhun State Disaster Respond Force (SDRF) ban sei ia kane ka met ma wah.
Na ka liang jong ka kynhun SDRF kila leit sha katei ka jaka bad kila ioh ban sei ia ka met jong u rangbah na ka wah Umshing kaba dei na lynti Mawlai Byepass kaba dang hap ha Mawlai Mawiongrim.
Ia ka kynhun SDRF la phah sha katei ka jaka na ka kynhun kaba dei ha East Khasi Hills District hapoh ka jingialam jong u Inspector Romario B Marak bad kila ioh ban sei katei ka met ha ka por 9.30 baje ei ei mynstep, ia ka met la aito noh sha ki pulit ba leh ia kaba don kam.
Na ka liang ki pulit kila pynthikna ba u rangbah ba khlad dei u bah Mihpli Lyngdoh na Mawlai Umjapung, na ka liang ki pulit ki dang pynlong ia ka jingtohkit ban lap ia ka daw jong ka jingiap u tei u rangbah.
