Shillong, Nailar 02: Ka MDC jong ka Umsning Konstitwensi mynta ka sngi kala leit ban aid a ka FIR sha ka Superintendent ki Pulit jong ka East Khasi Hills District halor ka jingthoh khlem akor pyrshah ia ka ha Social Medai.
Ha ka FIR, ka MDC jong ka Umsning ka kong Macdalyn S Mawlong, kala kyntu ia ki bor pulit ba kin shim khia bad kem ia ki mardor kiba la nud ban thad bad pynjah burom ia ka hapoh social media.
La lap ba lyngba ka Social media “Facebook” ha kine ki khyndiat sngi ba ki riew shim kabu kim salai shuh na kawei ka par sha kawei pat da kaba kren bad had pynjoh burom ia ka ryngieng jong ki riew kynthei.
Na ka liang jong ka MDC na Umsning kala dawa na ki bor pulit ban kem bad ban pynsaja ia kine ki riew shim kabu da kaba tyngeh khnang ba kan nym jia shuh nangne sha khmat. Ia kane ka FIR la ai mynta ka sngi ha ophis jong ka Superintedent jong ki Pulit East Khasi Hills District Shillong.
