Shillong, Nohprah 16: ka North Eastern Council (NEC) la pynlong ia ka da ka ain bala shna da ka Parlament ha u snem 1971 ia kaba la plie ha nongbah Shillong ha ka 7th Naiwieng 1972 bad ha u Naiwieng kala dap 50 snem.
Ia kane ka jiggrakhe jong ka jingdap 50 snem ka NEC yn rakhe ha ki ar bynta, ia ka jingialang paidbah yn pynlong ha Polo bad ia ka jinglang jong ki ophisar ka NEC kan long ha State Convention Centre Auditorium, ha kaba u myntri rangbah duh jong ka Ri India u Narendra Modi un don lang.
Ia kane ka rai ban pynlong ia ka jingrakhe ia ka jingdap 50 snem jong ka NEC la shim ha ka jingialang kaba 70th jong ka NEC ha Guwahahti ia kaba la pyniaid da u myntri kam poh iing ba ia ka jingrakhe jong ka jingdap 50 snem yn pynlong ha ka 18th Nohprah 2022.
Ia kine ki jingialang baroh ar tylli yn ialam da u mytnri rangbah duh jong ka Ri u Narendra Modi, ha kaba baroh ki dkhot jong ka NEC kin don lang, kyntup ia u mytnri ba dei peit iaka DoNER, ki Lat jong ki jylla bad ki myntri rangbah ki jylla, ki MP bad ki MLA kiba shah thung kum ki dkhot ka NEC kiba na kane ka thain shatei lam mih ngi ka Ri India.
Kiba la shah khot sha ka jingialang paidbah ban long ha madan Polo, kin long ki nongshnong ba paw kane ka thain, kiba la shah pynkup burom ha ki kam treimon sngewbha, ki nongrep na kane ka thain bad la khmih lynti ba kin ia poi kumba 10,000 ngut ki paidbah ban ia shim bynta ha ka jingialang paidbah ban rah ia ka jingdap 50 snem ka NEC.
Ha kane ka jingialang paidbah ha madan polo u myntri rangbah duh jong ka Ri India u plie a ka Indian Institute of Management (IIM), Shillong, ia ki 4G towers ha Meghalaya, kin don kiwei ki jingtrei kiba la pyntrei da ka NEC, kin don ki skhim jogn ka Meghalaya bad un buh ruh ia Mawnognrim ki ban pyntrei ha kane ka jingdap 50 snem ka NEC bad yn pynlait paidbah ia ka kot kaba la ai kyrteng “GOLDEN FOOTPRINTS”.
Da kane ka jingrakhe ia ka jingdap 50 snem jong ka NEC kan dang iarap ban pynbha shuh shuhia ka jingtrei kam jong ka ha kine ki snem ban dang don, ha kine ki 50 snem kiba la dep ka NEC kala pyntrei shibun ki skhim pynroi ha kine ki phra tylli ki jylla ka thain shatei lam mih ngi ka Ri India.
