Da ka Jingkieng Jri shna ka KSU ban tyngkai ïaki matti jong ki Longshuwa ha Nongtyngur

Shillong, Risaw 02: Ka Khasi Students’ Union  (KSU) Nongtyngur Unit mynta ka sngi ka 2 tarik Risaw 2021 ha ryngkat ka jing wan ïaraplang ki katto katne ngut ki Riew Rangbah jong ka Shnong kala ïoh ban shna pynbha ïaka Diengjri kaba don ha syndah jongka Shnong Nongtyngur khnang ban wanrah ïaka jingmyntoi ka jing itynnad  bad ban pynneh kyrpang ïaki matti ba lah prat lynti ki longshuwa manshuwa.

Ha katei ka sngi lah ïalam khmat da i Bah Rostanwell Hadem i ba dei u Riew Rangbah ka Shnong bala prat lynti naduh kaba sdang ban sumar sukher hi dalade ïa katei ka Diengjri khnang  ba kan long jingkieng, bad na ka liang utei u Riew Rangbah ruh u lah pynpaw ïaka jingkmen kaba khraw haba ka Seng mynta ka lah shimti ban pynjanai hi ïa katei ka jingkieng Jri.

Ka sienjam ba ka Seng KSU Nongtyngur Unit ka shimti ban pynbha bad pyn janai ïa katei ka jingkieng jri kadei kum shi bynta ban ïada na ka jingshah pynjot pynjulor bad pynsniew dur jong ki briew ïa katei ka jingkieng jri kaba don ha syndah jong ka Shnong.

Ha kine ki snem snem bala leit ki don ki briew kiba la pyrshang  ban pom dusmon bad bret pathar ïaki jaboh jabaiñ ha katei ka jaka, shuh shuh kaba kham kongsan ka dei halor ka jingthmu ban pyn janai da kaba pynneh pynsah bad sumar bha ïaki Matti kiba ki longshuwa manshuwa.

Ki long shuwa ki lah buh dak buh shin bad prat lynti na bynta ka jing myntoi  ki paidbah nongleit nong wan, sa kawei pat ban wanrah ïaka nuksa ba bha ïaka pateng mynta bad ka jingmyntoi ïaki longdien longbud jong ngi bad ruh ban wanrah ïaka jing itynnad hapoh jong ka shnong ka thaw bad ka jing ïajan paralok hapdeng ka meiramew bad ka imlang sahlang.

Ka jing shimti jong ka KSU Nongtyngur ban pynbha ïa katei ka jingkieng jri kaba don ha syndah ka shnong Nongtyngur ka dei hadien ba na ka liang ka Seng KSU Nongtyngur Unit kala ïoh jingbit da kaba kylluid mynsiem naki trai jaka badon ka trai jong ka diengbah diengsan kata ïa i kong Riti Tangsong.

ïaka jaka kaba donkam ban pynïasoh na shilliang  sha shiliang ka wah kaba dei ka jaka i Kong Lakhana Tynsong, bad kumjuh khlem da klet ruh lyngba ka jingpan jingbit ïa u Riew Rangbah bala shimkhia ratbah naduh kaba sdang ban pynbha ïa katei ka jingkieng jri kata na u Bah Rostandwell Hadem.

Lyngba ka jingïoh lad ka Seng ban pynbha ïa katei ka jingkieng jri kaba don ha syndah jong ka shnong, ka Seng ka dang khmih lynti shuh ba nangne shakhmat ruh lyngba ka jingkyrshan lang ki riew paidbah ka Seng kan ïai pyrshang katba lah hala i bor i barit.

Ban nang pynbha shuh shuh ïaka kam sumar sukher ïaki jingkieng jri kiba don ha kylleng ki kyndong kynshrot jong ka dong ka thaiñ bad leh shuh shuh ïa kiwei de ki kam shakri ki ban kyntiew ïaka Shnong ka thaw bad ban ai jingshngaiñ ïaka Ri bad ka Jaidbynriew hi baroh kawei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet