Shillon
g, Risaw 02: Ban rakhe ia ka sngi kha ba 150 snem jong u kpa ka jaid bynriew u Mahatma Gandhi, mynta ka sngi la pynlong ia ki jingpynkhuid shnong ha ki bynta bapher bapher jong kane ka nongbah Shillong bad ha ka juh ka pork um shibynta jong ka Swachh Bharat Abhiyan.
Ha kaneka sngi u Lat jong ka jylla u Tathagata Roy, u la ia shim bynta ha ka jingpynkhuid ia ka iew Polo kaba la pynlong da ka GORETO Socio-Cultural bad Welfare Society, Shillong, Vivekananda Sangha, Oakland, Shillong bad ka seng Greater Iew Polo Welfare Association, Polo Shillong.
Ha haka jingkren jong u Lat ka jylla ha kane ka sngi kum u kongsan u la ong ba ka jingkhuid u dei u shabi sha ka jingkoit jingkhiah bad u la ban jur ba dei ban pynlong ia ki iing ki sem, ki jaka paidbah bad ka dong ka shnong ba kin long kiba khuid. Ha kane ka sngi u Lat u la ong ban wanrah ia ka jingkhuid don kam ban hikai ia ki paidbah.
Ha kane ka sngi kiba la ia don lang ki long u Bah AL Hek myntri k koit ka khiah, u DC jong ka East Khasi Hills District u Bah PS Dkhar, u P.N. Sharma, Commandant jong ka CRPF, 67 BN, CRPF. Ha kane ka sngi u Lat jong ka jylla ruh u la ia shim bynta lang ha ka jingpynkhuid ia ka iew polo.
Ha kane ka sngi khasi jong kpa ka jaidbynriew, u additional chief secretary jong ka sorkar jylla u bah PS Thangkhiew u la buh syntiew ha ka dur mot jong u Mahatma Gandhi u ba don ha Main Secretariat Shillong.
Ha kane ka sngi la plie ruh ia ka iew pyninam ha State Central Library ka ban iaid lai sngi lynter ha kane ka nongbah Shillong, ia kane ka jingpyninam la kyrshan da ka KVIC, DCIC bad ka MKVIB, ka jingthmu jong kane ka long ban pyninam ia kaei kaba la shna da ki samla na kane ka jylla.
Ka Shillong Municipal Board, ka Shillong Cantonment Board bad ka tnad pynroi sor mynta ka sngi kala pynlong ia ka jingpynkhuid ia ka jaka ieng kali kaba don ha Anjelee ha kaba u myntri ki kam pynroi sor u Bah Hamletson Dohling u la ia shim bynta lang.
