Shillong, Nohprah 09: Mynta ka sngi ka KSU kaba dei ka kynhun jong ka NESO bad ka GSU kila pynlong ia kane ka jingiakhih shong kyllain mungor ban Shillong bad Tura ban pynpaw ia ka jingpyrshah halor ka jingshah sait iap jong ki riew paidbah ha Nagaland hapoh ka shnong Oting.
Ha kane ka jingialang kaba long ha Shillong, ki nongkren baroh kila pynpaw ia kawei ka phang ka long ba ka sorkar pdentg ka dei bang weng ia ka ain yakjakor ka AFSPA na kane ka thain shatei lam mih ngi jong ka Ri India namar kane ka ain kala wanrah ia ka jingshah niom ki riew paidbah ha kane ka thain.
U President ka KSU u samla Lambokstarwell Marngar u la ong ba kaei kaba ki paidbah kane ka thain shatei lam mih ngi jong ka Ri India ki dawa na ka sorkar pdeng ban weng mardor ia kane ka ain AFSPA na North East, kum juh ia ka ain CAA, bad dawa ban pyntrei kam ia ka ILP ha ka North East baroh kawei.
Ha kane ka jingialang u kaba la long ha khmat jong u mot u Wohkiang Nangbah ha pyrshah Civil Hospital kiwei ki nongren kila kyntu ia ka NESO ba kam dei ban pynkut tang ha kane ka jingialang ban dawa ban pynduh pynkylla ia ka AFSPA na kane thain shatei lam mih ngi ka Ri India hyrei ka dei ban iai bteng ia ka jingdawa.
Kiba la kren ha kane ka jingialang ki long ki samla pule jong ka thain shatei lam mih ngi ka Ri India baroh kawei kiba don ha Shillong, ki seng bapher bapher jong ka jylla, ki byndei ki seng samla pule kiba la wan ban kyrshan lang ia kane ka jingiakhih shong kyllain mungor ban pynrem ia ka jingsiat pathar ki shipai ia ki riew paidbah ha Nagaland.
