Da kawei ka sur pdiang ia ka iing dorbar thawain ban pyntrei kam ia ka ILP ha Meghalaya

Shillong, Nohprah 19: Ka iing dorbar thawain ka jylla Meghalaya mynta ka sngi da kawei ka sur kala pdiang ia ka rai jong ka sorkar ban pyntrei kam ia ka Inner Line permit, Bengal Eastern Frontier Regulation 1873 hapoh jong kane ka jylla Meghalaya.

Haba wanrah ia kane ka rai na ka liang jong u myntri rangbah ka jylla u la ong ha u snem 2016 ka sorkar pdeng kala wanrah ia ka Citizenship Amendment Bill, 2016 ia kaba ka sorkar kala ia pyrshah ia kane ha kaba ha katei ka por ym shym la lah ban pdiang ia katei ka ain.

Ha dein ka elekshon 2019 ka sorkar kala wan biang ha ka bor ba kin wanrah biang ia ka CAB, 2019. Ha kane ka kynti ka sorkar pdeng kala khot ia ka jingiakren saw sien ban ia mir jingmut ha kaba ia dei bad kane ka CAB 2019. Dei hang ne ba ia ka jylla Meghalaya 97% la pynlait na ka CAA, 2019, hynrei ka sorkar ka kwah ban pynlait ia ka jylla na ka CAA, 2019 100%.

U myntri rangbah jong ka sorkar pdeng u la ong ba ka sorkar kam hun ia kane ka jingpynlait 97% ka sorkar ka kwah ban ia ka 3% kaba dang sah ruhd ei ban pynlait naka CAA, 2019 dei na kane ka daw ba ka sorkar ka sa khot ia kane ka dorbar ba kyrpang ban wanrah ia kane ka rai ban pyntrei kam ia ka ILP ha kane ka jylla.

Kiba la ia shim ha kane ka jingiakren kaba ka sorkar kala wan rah ia ka rai ban pyntrei kam ia ka ILP ha kane ka jylla u nongialam ka liang pyrshah u Dr Mukul Sangma u la ong ba da ka jinglong ain ka CAA, 2019 ka ban shah ktah bha dei ka jylla Meghalaya ban ia kiwei ki jylla.

La ong ba kum ki nongmih khmat paidbah ki hap ban leh ia kaei kaba ki paidbah ki dawa. U la ong ba balei ki paidbah ki dang ia khih wat la kane ka CAA 2019 kala kylla long ka ain. Na ka liang jong u Dr Mukul u la kyntu ia ka iing dorbar ruh ban shim ia ka rai ban kyntu ia ka sorkar pdeng ban pynkylla ia ka CAA,2019.

La ong ba ka NESO kala mudui hapoh Supreme Court pyrshah ia ka CAA, 2019 namar kane ka ain ka dei ka ain kaba ym lah ban pdiang. U la ong ba ia kaei kaba jia ha Assam ka ktah ia baroh ki jylla ka dong shatei lam mih ngi jong ka Ri India, ym lah ban long marwei.

U Dr Mukul u la ong ba ia ka MRSSA ruh dei ban pyntrei kam ha kane ka jylla wat la ka iing dorbar bar kan pdiang ia ka rai ban pyntrei kam ia ka ILP ha kane ka jylla. Ha ka juh ka por u la ong ba ka sorkar pdeng ruh ka dei ban sngap ia ka jingdawa jong ki paidbah.

Kiwei MLA ka liang synshar kiba la ia shim ha kane ka jingiakren mynta ka sngi haba ia dei bad ka rai jong ka sorkar ban pyntrei kam ia ka ILP ha kane ka jylla na ka liang synshar ki long u bah SK Sunn, Adrlbert Nongrum, Renikton Tongkhar, Sanbor Shullai, Pius Marwein, Lambor Malangniang, Saleng A Sangma, Kupar Synrem, Jeson S mawlong.

Ki MLA na ka liang pyrshah kiba ia la shim bynta ban ia kren halor ka rai jong ka sorkar ban pyntrei kam ia ka ILP ha kane ka jylla ki long u Bah Meralborn Syiem, HM Shangpliang, Dr Amapreen Lyngdoh, PT Sawkmie, Charles Pyngrope, Kimfa S marbaniang, George B Lyngdoh,Dr Azad Zaman, Zenith Sangma, Lazarus Sangma, winnerson Sangma bad ka Miani D Shira.

Na ka liang pyrshah baroh ki nongkren nalor ba kila ai ka jingkyrshan ban pyntrei kam ia ka ILP ha kane ka jylla Meghalaya, kila dawa ruh ba dei ban pyntrei kam noh mardor ia ka MRSSA ha kane ka jylla Meghalaya bad kila dawa ba ka iing dorkar ka dei ban shim ia ka rai lane khot ia ka dorbar ba kyrpang ban shim ia ka rai ban kyntu ia ka sorkar pdeng ba ka dei ban pynkylla ia ka CAA, 2019.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet