Shillong, Risaw 07: Ki paidbah ha kine ki ar sngi kila ia poi da ki hajar ngut sha ka tamsa kaba la pynlong da ki shipuin ha Hynniewmer ban rakhe ia ka sngi burom jong ki ia ka jingdap 86th snem jong kane ka kynhun shipai.
Ki paidbah kiba la ia poi sha kane ka tamsa jong ki shipai suin kila iohi ban peitkai na jan ia ki Helicopter Mi-17 bad ia ka jingpynher iaki liengsuin ia pom kiba la tip kum ki Su-30 MKI kiba la pynher lai tylli ha ka juh ka por.
Ia kane ka tamsa la pynlong ha Air Force Landing Ground ha Hynniewmer man u snem ka long ban pyni sha ki paidbah ia kaei kaba kane ka kynhun shipai suin jong ka Ri India ka don bad ha ka juh ka por la pynlong ruh ha ka sngi sdang ia kane ka kynhun shipai suin.
Ki paidbah kiba la ia leit ban sakhi ia kane ka tamasa jong ki shipai kila iohi ia kaei kaba ki shipai suin ki leh bad ki trei, ha ka juh ka por ka dei ka kabu ia ki paidbah ba kin ioh ban peit ia ki helicopter jong ki shipai ha jan bad ktah ruh ia ki.
