Shillong, Naitung 27: Mynta ka sngi ka seng Hynñiewtrep Integrated Territorial Organisation (HITO) kala leit ban wah ha sawdong ka shnong Iongkhubli kaba don hapoh jong ka Ri Bhoi District ban pyni ba kane ka jaka ka dei jong ka jylla Meghalaya.
Ia kane ka jingleit buh ia kine ki jingthoh la ialam da u Vice President ka seng na Ri Bhoi District u bah Brandon Shangpliang bad kiwei ki nongialam ka seng kiba la leit lang ban wah ia ki jingthoh hapoh ka seng.
Ka HITO ka ong ba ka por kala dei ba u myntri rangbah u dei ban leh ei ei halor ban lait na kano kano ka jingjia ba sngewsih bad lada jia ruh ka sorkar ka dei ban shim ia ka jingkit khlieh.
Ki jingpynrem ia ka jingleh don bor jong ki pulit Assam hapoh katei ka shnong ka long na ka seng Hynniewtrep People Front, u bah Apbor Nongrum u la ong ba u pynremjur ia kane ka jingleh ki pulit Assam.
Na ka liang jong ka kynhun ki kynthei jong ka party Congress ka Shillong City Mahila Congress ka pynrem jur ia kane ka jingjia kaba ki pulit Assam kila leh don bor ban pynthup ia ki kam pynroi hapoh u pud u sam jong ka jylla Meghalaya.
