Da ki light pynthaba ia ki iing mane,ki ophis sorkar ban pdiang burom ia ka Khristmas ha Shillong

Shillong, Nohprah 24: Wat la ka jingpynkhreh ia ka jingleh kmen Khristmas ha kane ka nongbah Shillong kam shym la long kumba long ha kiwei ki snem namar kane ka jingpang COVID-19 hynrei ka jingpynphuh ia ki light hapoh ka iing mane bah jong ka balang Katholik kala leh kum ba juh leh man la u snem, kum juh ka iing mane jong ka All Saint ha IGP bad ka ophis jong u Lamphang ka iing dorbar ka jylla ha Khyndailad.

Ki paidbah jong kane ka nongbah Shillong kila ia tuid sha iing mane bah Laitumkhrah da kaba ia lam ia la ki khun ki kti ban pynpeit ia ki light kiba la pynthaba ia kane ka iing mane kaba paw ha kane ka jylla Meghalaya ha kane ka jingleh kmen Khristmas wat hadpeng kane ka jingdon kane ka khlam COVID-19.

Na ka liang jong ka Church Of England ia kaba la tip paidbah kum ka All Saint, na ka liang jong kane ka balang ruh kala pynphuh pynphing ia ka iing mane jong ka kaba don ha IGP bad kane ruh kala khring ia ki briew ban leit peit kai ha ka por mynmiet ia ka jingitynnad jong ki light kiba la pynpur ha katei ka iing mane.

Na ka liang jong ka sorkar ruh kum juh kala pynitynnad ia ki ophis jong ki kum ka Secretariat, ka ophis jong ka Meghalaya Legislative Assembly bad kum ka Meghalaya Co-operative Apex bank, wat ki iing jong ki riew shimet ruh kila pynphuh pynphing ia ki iing ki sem jong ki ban rakhe ia kane ka Khristmas.

Na ka liang jong ki paidbah haba ki iaid bad ia kynduh ia ki paralok kila pynpaw ia ka jingkmen da kaba ai khublei i wei ia iwei da kaba ong ka ‘Khristmas basuk ba kmen’ la ioh ba ki iew ki hat kila khapngiah ha kaba ki briew kila leit ban siew ban tda ha ki iing ki sem.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet