Shillong, Naitung 02: Ki paidbah nongshong jong ka shnong Kseh, Muknor bad Khahnar kila ia kynduh shisha ia ki jingeh namar ka jingsniew palat jong ka surok naduh khlieh shnong Pala.
U bah Halding Paslein na ka shnong Kesh bad ki nongkit kam ka shnong kila pynsngew ba kane ka jingsniew ka surok ka dei ka jingshah lehbein sha ba palat namar tang ba kin leit kin wan ruh kila kynduh jingeh shisha.
Na ka liang jong ki nongkit kam shnong Kesh kila pynpaw ba kane ka surok katba dang mih ki sngi kala dang sniew dang sniew wat tang ban pynpoi ia ki marbam mardih kham tam ia u khaw ruh kala shem shitom sha ba palat ban pynpoi ia ki marbam la hap ban kit da ki briew.
U Bah Halding u la ong ba ka jingsniew jong kane ka surok kala buh ia ki paidbah nongshong shnong ha ka jingeh khamtam ban pynkit ia kiba pang ba shitom, ki paidbah katei ka thain ki kyrpad ia ki nongmih khmat paidbah ban pynioh ia ka surok kaba bha ban suk ka leit ka wan.
Na ka liang jong ki paidbah katei ka thain ki kyrpad ia ka sorkar Meghalaya ba kan pynshna bha lem ia kane ka surok na ka bynta ka bynta ban suk ki paidbah ha ka leit ka wan namar kane ka surok ka dei kaba la shah da ki bun phew phew snem.
