Shillong, Jylliew 12: Mynta ka sngi kila don ki riew shimet ha ka kyrteng kum ka “HOPE” kila kner ia ki jingiarap da ki marbam sha ki nongdie madan ha Stand Bhoi ha kaba da ki spah ngut kila ioh ia ka jingiarap ha kane ka sngi.
U bah Milon Warjri u wei na ki dkhot jong kane ka kynhun “HOPE” haba kren ha ki lat pathai khubor ha dien bala dep ban sam ia kane ka jingiarap sha kito ki long iing kiba don kam ia ka jingiarap u ong ba kane kam dei ka seng hynrei kila shu ia lum shipalok bad thied ia kine mar bam ban iarap ia kiba die madan.
La ong ba ha ka jingshisha kum ka kynhun kila pynkhreh ban sam tang ia kiba die madan hynrei kiba la wan ban shim ia kane ka jingiarap ki long ruh kiwei kiwei kiba don ha katei ka jaka, na ka liang jong ki kum ka kynhun ki ia dang iai pyrshang ban iarap katba ki lah la ka bor.
Kane ka kynhun HOPE kala ai sha ki briew mynta ka sngi, u khaw, shini, phan, pyiat, ka umphniang, kane ka jingiarap kaba kila ai kala long shisha ka jingkyrkhuh ia kito ki long iing kiba don kam shisha ia kane ka jingiarap.
