Shillong, Risaw 02: Ka Sein Jaintia Women’s Wing (SJWW) jong ka sor Shillong mynta ka sngi kala khot ia ka jingpynkhuid ia ka surok na Motphran sha Garikhana kum ka jingburom kaba kyrpang ia ka jingdap 150 snem ka sngi kha jong u kpa ka jaidbynriew u Mahatma Gandhi.
Ia kane ka jingpynkhuid ia kane ka surok kaba don ha syndah bad ka Iewduh la ia treilang ryngkat kis eng long kmie jong ka ka dorbar shnong Mawkhar, Wahthapbroo, Umsohsun, Qualapaty, Garkhana bad Lama Villa.
Ha kane ka jingpynkhuid suork, u MLA jong ka Shillong West u bah Mohrndro Rapsang, u MLA jong ka Shillong North u Bah Adelbert Nongrum, u MDC jong ka Mawkhar-Pynthor u bah PN Syiem u la ia don lang ha kane ka sngi.
Ha kane sngi ki seng long kmie na kitei ki shnong ryngkat ki khynnah skul kila ia pynkhuid ryntih ia kane ka surok bad ka jingdon ryngkat ki briew jong ka Shillong Municipal Board. Da ki spah ngut mih ki briew ban pynkhuid ia kane ka surok hapoh ka jingpeit jong ka SJWW.
Ha kane ka sngi kala don ruh ka jingpynkhuid ia ki shnong ki thaw ha ki bynta bapher bapher jong ka nongbah Shillong bad sha ki kyndong ruh ha kaba ka jingpynkhuid ka long kaba ishongkun ha kaba la ia mih paidbah ha man ki jaka.
