Shillong, Nailar 20: U Myntri Rangbah ka jylla u Cornad K Sangma mynta ka sngi u la pynsngew ba ynda la duna kane ka jingpang COVID-19 yn sa plie noh ia ka District ha Mairang, ka jingbym pat lah ban plie dei na ka jingkiew biang kane ka jingpang khlam.
Haba kren ha ki lat pathai khubor u myntri rangbah ka jylla u Cornad K Sangma mynta ka sngi u la iathuh ba u la leit da la de sha ka jingialang kaba la long ha shnong Mawnai ha ka 31/Lber 2021 ha kaba u la ai ka jingkular ban plie ia ka District ha Mairang.
Kala don ka jingiakren ruh ban plie ia kane ka District thymmai hapoh ka 15 tarik mynta u bnai hynrei kala wan noh kane ka bynta kaba ar jong kane ka jingpang COVID-19 ia kaba la hap ban buh teng shuwa na ki daw kiba ym lah ban kiar ba wan kane ka jingpang.
U Myntri rangbah la ong ba la ia pynbeit thymmai ba ia ka jingplie ia kane District ba thymmai ha Mairang kan long mar dor ha dien ba kane ka jingpang COVID-19 kala duna ia kane la pynthikna u myntri rangbah ka jylla mynta ka sngi.
