Dang iathain ban ia kylliang myntri hapoh ka party PDF ha kane ka sorkar MDA

Shillong, Nailur 20: Kane ka sorkar khleh khawlang Meghalaya Democratic Alliance kala kot ar snem shiteng bad ka jingiaksaid ban bujli ia ki myntri na ki party ba don ha kane ka sorkar kala khih ha kine ki sngi.

Ka party NPP kaba ialam ia kane ka sorkar kim pat ia kren la kan don ne em ka jingbujli myntri na ka kynhun jong ka kaba don san ngut kynthup ia u Myntri Rangbah u Conrad K Sangma.

Ka party UDP kaba bun ki MLA ka don lai ngut ki myntri na ka hynriew ngut ki MLA bad u president ka seng u bah Metbah Lyndoh na bat ia ka kam Lamphang ka iing dorbar thaw ain ka jylla u la dep ban kren shai ba na ka UDP kan nym don ka jingbujli myntri.

Ka party HSPDP kaba don ar ngut ki MLA ki don u wei u myntri bad kane ka jingiakren ka dang iaid hapoh ka party bad kumba la pynpaw da u bah Samlin Malngiang ka shong ha ka rai jong ka party.

Na ka liang jong ka party BJP kaba don ar ngut ki MLA u bah Sanbor Shullai u la pynpaw ba ka rai kan shong ha ka party bad ka rai jong ka party kan long ka rai ka khatduh.

Kaba ym pat shai mynta ka dei na ka party PDF kaba don saw ngut ki MLA ha kaba ar ngut ki don ha ka kynhun myntri bad ka don ka jingiakren mynta hapoh ka party ha kaba ia dei bad kane ka kam bad la ioh jintip ba kin raha sha ka EC jong ka party ban ia kren namar kane ka kam ka iathain bhai hapoh ka party PDF.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet