Shillong, Nohprah 24: Ki pulit jong ka jylla mynta ki dang lum ia ki Video kiba la ioh ban ring lyngba ki CCTV jong ki briew na ki dukan kiba don ha Police Bazar ban thwet ia kito kiba pynklumar ha ka 12 tarik mynta u bnai ha kaba la mih ka jingiathang kali.
Na ka liang jong ki pulit ki dang thwet ia kito kiba la pynklumar ha katei ka sngi da kaba shim ia ki sabut lyngba ki Video jong ki CCTV. Kane ka jingshim ia ki Video ka long ba kin ioh ban kem thik tang ia kito kiba don don kti ha ka jingpynklumar ha katei ka sngi.
Lah ban pynkynmaw ba ha ka 12 tarik mynta u bnai kala mih kynsan ka jingklumar ha Police Bazar ha kaba kibriew kiba ym lah ban tip kila pynklumar bad kawei ka kali kala shah thang ha ki briew kiba ym lah ban tip.
Ki thymmei khubor ki iathuh ba na ka liang jong ki pulit mynta kila sdang ban lap ia kiba pynklumar lyngba ki Video jong ki CCTV Camera kaba ki la shim na ki trai dukan.
