Shillong, Naitung 09: Ka All Khasi Meghalaya Tourist Taxi Association (AKHTA) mynta ka sngi ka 9 tarik u Naitung 2024 ka la leit ban pynkynmaw pat ia ka Sorkar halor ka jingthoh ia ka ba ki la phah ha ka 1 tarik u Jylliew 2024.
katei ka jingthoh ka long ha kaba iadei ban dawa na ka sorkar ba kan pynmih ia ka hukum ha ka ban khang ia baroh ki jait kali jong kiwei pat ki Jylla ki ban kit ia ki nongleit nongwan na Shillong da ka ba ialam ia ki sha ki jaka jngohkai ki bap her bapher ki ba don ha ka Jylla.
Ha ba ioh ban ia kren bad u President ka seng u bah R Dohling u la ong ba na kaliang ka seng ka la pynshai ba kane kam mut ba ka seng ka pyrshah ne ban khangnoh ia ki kali ki ba nabar ka Jylla ban wan kamai sha kane ka Jylla.
Ka jingdawa ka seng ka long ba ka sorkar ka dei ban khangnoh ia ki kali tourist bawan na bar namar kane ka dei ka hok bad ka kamram jong ki kali ki ba napoh ka Jylla ban ia lam ia ki sha ki jaka jongohkai bapher bapher jong ka Jylla.
Ki la pynpaw ruh ba ka jaka leit jong ki kali ki ba nabar ka Jylla ka dei ban kut tang ha Shillong bad ki dei ban leit phai pat sha ka jak aba kiwan. Kat kum ka jingbtah jong u Director ka tnad Tourisms jong ka Jylla na ka liang ka seng ka la lum jingkhein ia baroh ki jaitkali kiba wan sha kane ka jylla.
Kane ka jingshim jingkhein kaba kynthup ia ki bus, ki kali Tourists ne wat ia ki kali shimet ki ba wanlam ia ki nongleit nongwan nap oh ka Jylla kumta na ka liang ka seng kala lap ba ki don haduh 2000 tam ki kali ki ba wan nabar ka Jylla ha ka shi shngi ki ba ka seng kala lap, kumta na ka liang ka seng ka la ong ba kane kam lah ban pdiang.
Ha ka ba iadei bad ka jingmih bun ki kali tourists ki ba na bar na ka liang ka seng kala dawa na ka sorkar ba kadei ban pynbeit noh mardor iakane ka bynta. Ki la pynpaw ruh ba na ka liang u Myntri u la kular ba shen kin sa ioh ban ia kynduh pat ha dien ba ki la dep ban ia shong ban pyrkhat kam bad ka Department of Tourisms.