Shillong, Rymphang 07: Ka Hynniewtrep Youth Council (HYC) jong ka thain Maweit kala leit ban ia kynduh ia u myntri ka koit ka khiah u bah AL Hek bad ha kane ka jingiakynduh kila dawa ba ia ka PHC haba don ha Maweit kaba la aiti sha ka Karuna Trust dei ban shimti noh da ka sorkar.
Ha kane ka jingiakynduh kila pynsngew ha u myntri ka koit ka khiah ba ka long kaba don kam ban maramot ia ki iing jong ka sorkar ha katei ka jaka sumar bad don kam ban ker kynroh sawdong jong ka PHC.
Ha kane ka jingiakynduh kila pan ruh na u myntri ka koit ka khiah ba don kam ban don ia ka jaka sumar sorkar hapoh ka shnong Nongshyrkon ‘A’ ka shnong kaba don sha Shilliang ka wah Rwiang namar ha ka por lyiur ki paidbah ki shem jingeh namar kam don jingkieng ha kane ka wah.
Ki la pynsngew ruh ha u myntri ka koit ka khiah ba ka sorkar ka la dei ban buh ia ka jaka ai jingsumar hapoh ka shnong Wahlyngdoh namar saw jong kane ka shnong ki don sa 20 tylli kiwei ki shnong bad ka jingdon ki paidbah nongshong shnong kala kot sha ka 8000 ngut.
Ha kane ka jingiakynduh ki nongialam jong ka seng kaba la ialam ka seng jong ka shnat Maweit. Ia kane ka jingiakynduh ka long hapoh Majestic Hotel ha Polo.
