Shillong, K. Lyngkot 15: Ka seng JSU seng kmie na ka por sha ka por ka lah bud dien bad iai dawa na ka sorkar naduh u snem 2018 bad ka lah juh kynduh ruh ia u myntri ka sports u Bah Banteidor Lyngdoh ban dawa ban kynthup lang ia ka ri lum Jaintia ha ka 39th National Games kaba yn sa pynlong hapoh ka jylla.Ka JSU seng kmie .ynne ka sngi 15 tarik u kyllalyngkot,2021 ka lah ioh ban lumlang ia baroh ki kynhun sports association kiba don ha baroh ar tylli ki distrik jong ka ri lum Jaintia bad kynthup lang ia ki sub division bad ki block kiba don hapoh ka ri lum jaintia .
Ka jingkynduh lang jong baroh ki kynhun sports association ka long ban leit kynduh ia u Myntri Rangbah ka jylla u Conrad Sangma ban dawa na ka sorkar ban kynthup ne ban ai bhah lang ia ka ri lum Jaintia hapoh ka 39th National Games kaban sa pynlong hapoh ka jylla.
Ia kane ka jingialang lah pynlong hapoh ka ophis treikam ka seng JSU ha Jowai bad ha kane ka jingialang lah wan shim bynta da ki sports association kiba pher ba pher kynthup ia ka West Jaintia District Sports Association (WJDS), East Jaintia District Badminton Association (EJDBA),West Jaintia District Badminton Association (WJDBA), Laskein Block Sports Association (LBSC), Amlarem Sub Division Sports Association (ASSA) bad ki player kiba pawkhmat ka jylla bad ri lum jaintia.
Ha kane ka jingialang lah ioh ban shna kyrpang ia ka kynhun kiba kynthup lang ia baroh ki sports association kiba don ha ri lum Jaintia bad ha kane ka jingialang lah ioh ban thaw daka “All Jaintia Sports and Games Forum” (AJSGF)bad kane kane kadei ka kynhun kaba lah thaw kyrpang ban dawa ia ka hok jong ka ri lum Jaintia ban kynthup ia ka haka ka 39th National Games.
Lah ioh ruh ban jied ia ki nongkit kam jonga kane ka forum kiba kynthup u Chairman u ma Eddie Murphy H Passah ,u Vice Chairman u ma Joshua Sajem,Secreatary u ma Ambrose Gatphoh,Joint Secretary u ma Wympher Lamare bad lajied ia u President ka seng JSU seng kmie u Jesrsom Shylla bad ia u General Secretary ka seng JSU u samla Treiborlang R Suchen kum ki nongai ktien jong kane ma forum.
Kane ka kynhun ka kyrpad lang ruh sha baroh ki 7 ngut nongmih khmat ka ri lum jaintia ban phai khmat sha laka jong ka thaiñ ban wanrah iaka roi ka par ba ki khun samla kin ioh jingmyntoi haka ba bun ki liang bad khamtam haka sports namar lah bun bah ki rangialehkai ba ka ri lum jaintia ka lah sei lyngba ki sports asscociation bapher bapher jong ka ri lum jaintia bad ka jingkynthup lang iaka ri lum Jaintia ha ka National Games kan sa wan rah shuh shuh ka jingmyntoi ia ka thaiñ bad ka jylla hi baroh kawei.
