Shillong, Naiwieng 18: Ka Jaintia Students’ Union (JSU) War Jaintia Circle ha ka 18 Nov 2020 ka la buh ia ka dorkhas sha u Deputy Chief Minister jong ka Sorkar Meghalaya lyngba ka ophis jong U Deputy Commissioner West Jaintia Hills District ban dawa ban kyntiew kyrdan noh ia ka tnad PWD Sub-Divisional Office kaba don ha Amlarem shaka kyrdan Divisional Office (EE office).
Katkum ka dorkhas ka seng ka la pynpaw ba ka Amlarem Civil Sub-Division kadei kaba suit la shor naduh ka 12th Nov 1976 bad ka peit ruh iaki jaka khappud (international border) bad ruh ia ka kad khaii bar ri ba heh tam ha Meghalaya bad ka Ri Bangladesh. Kumta kala dei hok ban ioh iaki ophis sorkar kiba khamheh khnang ba kan don ka jingiajan hapdeng ki briew jongka Sorkar bad ki riew paidbah ka thain naka bynta ka jingiatrei lang ban kyntiew iaka ioh ka kot bad ka roi ka par.
Kumba long mynta, ka Divisional Office (EE ophis) ka don ha Jowai kaba ngi tip kum ka PWD South Division, bad kane ka Division ka peit iaki jaka kiba hap hapoh ka Amlarem Civil Sub-Division, bad kane kala pynjynjar ia u paidbah haka leit ka wan naduh ka por bad ka bai lut bai sep. kumta ka Union kala sngewdei shisha ba ka sorkar kan Pyrkhat khia ban pynioh noh iaka E. E Ophis jong katei ka tnad da kaba kyntiew kyrdan iaka ophis kaba la don ha Amlarem naka PWD SDO ophis shaka kyrdan PWD E.E Ophis
Ka seng ka la buh ruh ki dak jingkylli ha khmat ka Sorkar ba ” Lada ia Ka north division lah dep ban pynkynriah sha Shangpung, balei ia Ka South Division phim kynriah noh sha Amlarem, kaba long Ka Civil Subdivision kaba la slem bha, balei Ka sorkar jylla Ka ieh bein ka leh shiliang ia Ka Amlarem subdivision?”
“Ngi dawa jur na Ka Sorkar ba Ka dei ban leh mardor lym kumta na Ka Liang Ka Seng Kan pyllong Noh ki Jingiakhih ki ba jur, nangne sha khmat. Ngi kyntu ruh ia ki paidbah nongshong shnong jong Ka thain War Jaintia baroh Kawei, naduh ki Rangbah Shnong, ki Seng samla shnong, ki Seng Balang bapher bapher, ki Seng long kmie ba phin sngew bha ban ia snoh kti lang.
Ka JSU dawa ruh na u MLA uba long U Cabinet Minister hapoh Ka Sorkar MDA ba u dei ban ia kren noh mardor bad Ka Sorkar ban pyn urlong ia ki Jingdawa jong ka Seng ki ba long Ka Sur u paidbah Ka Thain War Jaintia baroh Kawei.” pynkut ka Kyrwoh na u Mr. Eddy Kery Pohtam, President ka JSU War Jaintia Circle.
