Dawa ka KSU ban sdang pyntrei noh ia ka surok PMGSY na Barato sha Lapangap

Jowai, Naiwieng 15:  ka KSU Lapangap Unit hapoh ka jing ialam u President ka Unit u Samla Agostan Timung bad General Secretary U samla Saikia Sumer bad katto katne ki dkhot ha ryngkat ka jing synran lang u samla  C. War General Secy ka KSU Nartiang Circle u bad kiwei ki dkhot.

Kum ka seng KSU kila leit buh jingthoh sha ka Office u  Executive Engineer jong Ka PWD Nort Division halor Ka nongrim ban pynkynmaw ia u Engineer ban sdang noh iaka jingtrei ia u surok PMGSY uba kyrteng KLB (Khanduli Barato Lapangap) Road kaba don kumba 18 Km na Barato sha Lapangap .

Ka Seng haka jingthoh ba ka la phah  ka la kyrpad ia u Executive Engineer Ban sdang noh ban pyntrei ia utei  u surok na Lapangap sha Barato namar kadei por ba biang bha ban pyntrei ia u surok khamtam ha kine ki bnai ba rang slap.

Te kumta naka liang Ka KSU Lapangap Unit ka la ban khia ia Ka tnad PWD Ban sdang noh iaka jingtrei khlem da buh teng khnang ba ki paidbah khappud kin suk haka leit ka wan bad ka kit ka bah.

Ka jingthmu ban pyntrei ia une u surok na Lapangap sha Barato Ka dei halor Ka jingthmu Ban pyniasoh ia u surok na Lapangap, Shiabnai sha Sanaro Namdong Jowai

Halor kane naka liang ka seng haka juh ka sngi ka la leit pynsngew ruh sha u Deputy Commissioner ka West Jaintia Hills u Ma Garod LSN Dykes halor ki jingeh ba ia kynduh halor u pud u sam bad ban kyrpad ban pyntrei ia uta u surok PMGSY ban pynsuk iaka leit ka wan ha ka pang ka shitom jong ki paidbah ka shnong Lapangap.

Na ka liang jong u DC u la kular ruh ban phah jingthoh sha ka tnad PWD ban pyntrei noh ia u ta u surok khlen da pynslem.Kane ka long kat kum ka kyrwoh khubor ba la pyllait da u samla Juhhi Tariang Publicity Secy KSU Nartiang Circle

 

What Next?

Recent Articles

Leave a Reply

Submit Comment

*