Shillong, Naitung 03: U samla Kwilmis S Suchiang u la iathuh ba kum ka seng KSU Narpoh mynta ka sngi kala ia kynduh ia u myntri ba dei peit ia ki kam karkhana ha ka jylla Meghalaya u bah Sniawbhlang Dhar ban dawa na u ban nym ai jingbit shuh ban ia ki Kharkhana Dewbilat ha ka thain Narpuh.
Haba kren ha ki nongthoh khubor u tei u nongialam jong ka seng KSU u la ong ba ia mynta ki don san tylli ki karkhana shna dewbilat ha katei ka jaka bad ki la ioh ia ka jingjulor ka mariang na ka jingdon jong kine ki karkhana, kum ka wah Lukha bad ka jingjaboh ka lyer.
Ka jingdawa jong ka seng ban nym ai jingbit shuh ban dang wan ki karkhana shna dewbilat ka long ba kila ioh jingtip ba kin dang don shuh ki karkhana ki ban wan sha katei ka jaka. Na ka liang jong ka seng ka sngewkhia ia kane ka jingjot ka mariang.
La iathuh ba ha kane ka jingiakren na ka liang jong u myntri u la ong ia ki nongialam ka KSU ba lada ki paidbah ki ai jingbit na ka liang jong ka sorkar kan pdiang namar don kam ia ka roi ka par ka ioh kam ioh jam.
Haba ia dei bad kane ka seng kala ujor ruh sha u MDC bad u MLA jong katei ka thain bad kin ai ruh ia kane ka jingujor sha ka Kommittee jong ka iing dorbar thawain ka jylla.
