Shillong, Nohprah 01: Ka seng United Hynniewtrep Movement (UHM) ka la dawa na ka sorkar jylla ba kadei ban pynkiew ia ka jingsiew bai buria sha ki longing kiba la duh ia ki mynsiem ha ka jingjia ha Mukroh kiba la shah siat ha ki pulit ka jylla Assam.
U Charlie Rani President ka seng UHM haba kren sha ki lad pathai khubor, u la ong ba ki san tylli ki long ing ki la duh ia ki nongbsa ki nonngkyrshan ia ka iing ka sem bad la dawa ba dei ban pynkiew ia ka jingsiew sha kitei ki longiing.
Ka T.5 lak tyngka kaba la siew da ka sorkar sha kitei ki longing kam pat biang bad ha ka jingshisha ka pisa ba la mang ban pynlut na bynta ka Cherry Blossom Festival dei ban ai sha kitei ki longing, la ong u bah Rani.
U President ka UHM u la dawa ba ka sorkar kadei ban ai kam sorkar sha man iwei na kine ki longing khnang ba kin lah ban kyrshan ia ka iing ka sem jong ki hadien habud. Ka UHM ka la dawa ruh ba ka sorkar kadei ban buh ia ka Border Out-post ha ka shnong Mukroh bad sha kiwei de ki shnong khappud.
