Shillong, Nohprah 16: Mynta ka sngi ki Assames kiba don ha kane ka jylla Meghalaya kila pynlong ia ka jingiakhih jong ki da kaba shong kyllain mungor ha Asom Khristi Kendra Shillong ban dawa na ka sorkar pdeng ba ia ka ILP dei ban pyntrei kam ha North east baroh kwei.
Ka wei na ki long kmie ka Purobi Barua haba kren ha kane ka jingialang ka long ba ka jingleh jong ka sorkar pdeng ka long ban phiah ia ki briew jong ka North East laka jong ka jong da kaba ai ILP ia ka Arunachal Pradesh, Nagaland Manipur, Nagaland bad Mizoram, katba ka jylla Meghalaya, Tripura bad Assam pat kim ioh.
Ban iada ia ka dong shatei lam mih ngi jong ka Ri India na ka jingwan jong ki briew ba na sha bar don kam ban pyntrei kam ia ka ILP ha ka dong shatei lam mih ngi baroh kwei.Katei ka long kmie kala ong ba ka Barak Vally baroh kawei kala leit sha katei jong ki briew kiba wan na Bangladesh. Ki trai shong Assam mynta kila kylla rit paid hala ka jong ka jylla.
Ha ka juh ka por la ong ba kane ka ain CAA kaba la pdiang da ka sorkar pdeng haba ia dei bad ka jylla Assam ka long pyrshah ia ka Assam Accord kaba la ia soi ha u snem 1985 ha kaba la shim ia u snem 1971 kum u snem ot kyrteng hynrei katkum kane ka CAA 2019, kito kiba wan shuwa u snem 2014 kila kylla nong India.
Ha kane ka jingialang u D Dhyan, ha ka jingkren jong u la ong ba kum ki briew kim pyrshah ia kano kano ka niam hynrei ka jingpyrshah ka long ia ka jingwan jong ki briew kiba na sha bar jong ka ri sha kane ka ong shatei lam mih ngi jong ka ri India kane ka dei ka jingpyrshah jong ki. Ha kane ka sngi la don ruh kiwei kiwei ki nongkren.
Kiba la ia shim bynta ki long ki long kmie, ki rangbah ki dkhot jong ka KSU bad kiwei kiwei ki nongialam seng bhalang kiba don ha kane ka nongbah shnong ki ba dei na kiwei pat ki jaidbynriew.
