Dawa ki nongtrei ka MeECL ba ia ka tulop dei ban siew hapoh ka 10 tarik man u bnai

Shillong, Jymmang 16: Ki nongtrei MeECL hapoh ka shatri jong ka Coordination Committee of Registered MeECL (Employees) Associations and Unions (CCORMAU) hynne ka sngi kila byrngem ban mih madan ban iakhih lada kim ioh ia ka tulop hapoh 10 tarik jong man u bnai.

Ha ka step jong ka 16 tarik Jymmang 2023 da ki spah ngut ki dkhot ka CCORMAU ki la ia mih sha phyllaw ka ophis treikam ka MeECL Shillong ha ryngkat bad ki Pla Kad ban dawa na ki bor pyniaid ka tnat sam bording ban pyllait noh ia ka tulop jong u bnai Iaiong 2023.

U bah Arju Dkhar u ba long kum u vice president ka CCORMAU u la iathuh sha ki lad pathai khubor, kane ka jingshah set tulop ki nongtrei MeECL kam dei ka sien ba nyngkong bad dei namar kane ki nongtrei kim lah shuh ban shah, ka ba la pynlong ia ki ban ia mih ban pyni ia ka jingpyrshah.

U bah Arju ula kynnoh ba kane ka jingleh ka MeECL ban set bad ban pyllait slem ia ka tulop jong ki nongtrei ka long bein bad ka long pyrshah katkum ki kyndon ka Section 17 jong ka Wage Act.

“Ka jingioh nong jong ka MeECL ka long ym duna ia ka T. 80 haduh T. 110 crore hynrei ka long ka ba sngewsih ban iohi ba ki bor pyniaid ka MeECL kim lah ban pyllait ia ka tulop jong ki nongtrei bad dei namar kane ka Union ka la ban mih madan ban iakhih naduh ka 11 tarik jong man u bnai” la ong u tei u nongialam.

U bah Arju u la ong ba ki nongtrei ki sngewthuh ba ka MeECL ka don bun ki ram ba hap siew khamtam ia ka NEEPCO hynrei ki bor pyniaid ia kane ka tnat sam bording ki dei ruh ban sngewthuh ba ki nongtrei ki donkam ban ioh tulop na ka bynta ban pyniaid ia ki jingdonkam ba bun ha ing ha sem.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet