Shillong, Nohprah 08: Mynta ka sngi ka party TMC kala plie ia ka ophis trei kam ha Nongstoin West Khai Hills District, ia kaba la plie da u President ka seng u bah Charles Pyngrope ha ka jingiadon lang u nongialam ka liang pyrshah u Dr. Mukul Sangm ba du bah George B Lyngdoh.
Haba kren ha ka jingialang paidbah kaba ki nongkyrshan ka party kila wan na kylleng ka konstitwensi u bah Charles President ka party la ong ba lada ki shah jied ban ioh wan ha ka bor ha kane ka jylla ha ka MLA Elekshon 2023 ka thong kaba ha khmat eh ka jong ki ka long ban pyntrei kam ia ki skhim ban myntoi ki paidbah.
Ha kane ka jingialang la pynpaw ba dei tang ka parry TMC ka ban ia khun pyrshah ia ka ia ka BJP ban pyrshah ia ki jinghmu ka na ka liang ka party kan ia khun tyngeh ban pynthikna ba ka BJP kan nym ioh ban pynurlong ia ki jingthmu jong ka.
Ha ka jingkren u Dr. Mukul Sangma u la ai khublei kyrpang ia u President jong ka TMC Nongstoin u bah Macmillan Kharbani u bala trei shitom ban pynkhlain ia ka party bad la ban biang ba dei tang ka TMC ka ban ia khun pyrshah ia ka BJP.
U nongialam ka liang pyrshah u la ong ba ka pisa ka don shibun ban pyntrei kam na ka bynta ki kam pynroi ha ka jylla bad ia kane u la kren man ka por wat hapoh iing dorbar ka jylla haba ia dei bad ki kam pynroi.
Na ka liang u nognialam ka liang pyrshah u la kynnoh ba leh se kala don ka jingpyndon kam bakla, u Dr Mukul u la kynthoh tyngeh ia kane ka sorkar MDA kaba la ialam da ka NPP, ha kane ka sngi palat hajar ngut ki nongkyrshan ka party kila wan ban ia shim bynta ha kane ka jingialang ban plie ia ka ophis.
