Shillong, Risaw 04: Mynta ka sngi ki pulit ha ka por 3:40 baje noh phai sngi kila ioh ia ka jingpyntip ba kala don kawei ka pla kaba la buh ha khmat khyrdop ka ophis jong ka party NPP ha Lachumier.
Mar ia ioh ia kane ka jingtip ki pulit ryngat ki kynhun pynlip bom kila leit sha katei ka jaka bad kila shem ba don kawei ka pla ha khyrdop ka ophis jong ka NPP bad ki pulit ba dei kyrpang ia ki bom kila peit bniah bad lap ba don u bom bala shna hi hapoh ka pla. Na ka liang jong ki pulit kila pynduh noh ia u ne u bom.
Haba ia dei bad kane ki pulit kila register ia ka mukot duma pyrshah ia ki nonglehkam sniew hapoh jong ka Laitumkhrah Police Station pyrshah ia ka seng lehnoh HNLC kuma kala paw Social Media ba kila kam ia kane ba dei katei ka seng lehnoh kaba la leh ia kane ka kam ban buh bom ha khmat ophis ka NPP.
