Shillong, Nailar 14: Na ka daw jong ka jingjur jong u slap ha kine ki sngi mynta ka sngi ka surok ba leit na Mawsynram sha Balat kala dkut ha shnong Nongthymmai mynta ka sngi ha ka por mynstep.
Ka jingtwa kane ka surok kala buh ia ki paidbah nongshong shnong kiba don sha sharum ka shnong Nongthymmai sdang na shnong Pyndensohsaw sharum bad ki shnong kiba bah ktah na kane ka jingdkut kane ka surok na long da ki spah tylli ki shnong.
Kane ka surok ka dei kaba pyniasoh sha ki shnong kiba don hapoh khappud jong ka Bangladesh kiba hap hapoh jong ka Mawsynram Konstiwensi bad kum juh jong ka Ranikor Konstitwensi ha shi lynter khappud bad ka Bangladesh.
Haba u SP News Agency u la ioh ban ia kren bad ki riew rangbah katei ka shnong Nongthymmai la ong ba kane ka jingdkut kane ka surok kala jia mynta mynstep ki khmih mynti ba ka Mawsynram PWD Divison ban shim khia halor ka jingdkut kane ka surok bana palat spah ki shnong kiba hap ban iaid lyngba kane ka surok.
Kubma ka long mytna ban pynpoi ia ki marbam shatei shnong kiba sharum jong katei ka surok hap ban leit sa tang na Mawkyrwat sha Ranikor hynrei kam don lynti da kawei pat namar ban leit na Hat Mawdon ym lah namar kam don jingkieng halor ka wah Khasiamara.
U bah Alvin Sawkmie MDC jong katei ka jaka u la ong ba ka jingtwa kane ka surok kan ktah ia ki bun phew tylli ki shnong, u la iathuh ba u la ia kren bad u EE jong ka Mawsynram PWD Divison ban maramot kloi ia kane ka surok.
