Donkam ban pyniar ia jingwad bniah ia ka histori ka Ri India ong u myntri rangbah duh u Modi

New Delhi, Kyllalyngkot 03: U Myntri Rangbah duh ka ri, u Narendra Modi u la pyniaid ia ka Annual General Meeting jong ka NMML Society, ha ka bor jong u kum u President jong ka Society, ha 7 Lok Kalyan Marg hynnin ka sngi.

Ha ki jingai jingkren jong u, u Myntri Rangbah duh u la ban ia ka jingdonkam ban pyniar ia jingwad bniah shaphang ka histori jong ka India kaba mynta ha ka liang ki briew, ki jaka pule bad ki phangpdeng, khnang ban wanrah ka jingsngewthuh kaba kham bha hapdeng ki briew shaphang ki jingjia ba ladep jong ka ri.

U Myntri Rangbah duh u la ban ruh ia ka jingdonkam ia ki jaka pule ha ka ri ban wanrah ia ka jingwad bniah kaba la pynjanai ban lum thup ia ki jingkynmaw na ka bynta ka jingmyntoi jong ki briew mynta bad kiba hadien ruh.

Haba pynpaw ka jinghun halor ka jingsaindur bad ka bynta jong ka PradhanmantriSangrahalaya, u Myntri Rangbah duh u la ban ia ka jingdonkam ba kane ka museum kalong kaba phaikhmat sha ka ri, ka bym dei shaphang ki briew bad kadei kaba bat ia ki jingshisha.

Khnang ban rah ia ka khubor jong ka Sangrahalaya kaba pyni ia ki jingjop bad ki jingnohsynniang jong baroh ki Myntri Rangbah duh jong ka ri sha ki briew, u Modi u la kren halor ka jingdonkam ban kyntiew ia ka Sangrahalaya hapdeng ki samla da kaba pynlong ia ki jingiakop shaphang ka bynta jong ka ha ki kolej bad ki skul bah ha kylleng ka ri.

U la pynpaw ka jingkyrmen ba ha ki por ban wan ka Sangrahalayakan long kum ka jaka pdeng kaba khring ia ki nongjngohkai sha Delhi na India bad na kylleng ka pyrthei.

U la ong ba ka lyngkhuh sngi kha ba 200 jong u Swami DayanandSaraswati, u nongseng ia ka AryaSamaj ha u snem 1875 bad uwei napdeng ki briew ba paw bha ha ka imlang sahlang bad ka deiriti jong ka India kaba mynta, kan long ha u 2024.

U Narendra Modi u la kyntu ia ki jaka pule bad ki jaka ba peit ia ka deiriti ha kylleng ka ri ban pynmih ia ki jingtip ba la wad bniah shaphang ki jingnohsynniang jong une u briew ba wanrah jingkylla ha ka imlang sahlang sha ka ri kumjuh ruh shaphang ka AryaSamaj ka ban sa dap 150 snem ha u 2025.

U Chairman jong ka Executive Council, u Nripendra Misra, u la kren halor ka jingtreikam ba mynta jong ka Society kumjuh ruh ka jing thmu na ka bynta ki por ban wan.

U la kren kyrpang shaphang ki jing thmu na ka bynta ka Library, kaba ialam ia ka kynhun ha kaba iadei bad ka histori jong ka India ha kane ka juk mynta, kumjuh ruh na ka bynta ka jingplie ia ka PradhanmanrtiSangrahalaya ha u Iaiong jong u snem ba ladep.

Ki dkhot jong ka NMML Society bad jong ka Executive Council ki la iashim bynta ha ka jingialang, ha kaba la pdiang ia ka Annual Report bad ki Audited Account jong ka Society.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet