Shillong, Nohprah 04: Hapoh ka jingialam jong ka CoMSO mynta ka sngi ka jingiakhih shong kyllain mungor ban dawa ia ka jingpyntrei kam ia ka Inner Line Permit ka la long ha baroh kawei ka jylla Meghalaya.
Kane ka jingiakhih shong kyllain mungor bad ka jingiapyrtwa ban dawa ia ka ILP kala long ha baroh ki Headquarter jong ki District bad ki Civil Sub Division, kane ka jingiakhih shnong kyllain mungor ka long naduh East Jaintia Hills sha duh West Garo Hills ha kaba ki paidbah kila ia shim bynta lang.
Kane ka jingiakhih shong kyllain Mungor ka long ha Williamngar jong ka East Garo Hills, na Tura ha jan DC ophis jong ka West Garo Hills, ha Mawkyrwat, Nongstoin, Mairang, Nongpoh, Pynursla, Jowai.
Baroh ki nongkren ha baroh kiwei ki jingialang ki la pynpaw ba ka jylla Meghalaya kala don kam ia ka ILP ban ia da ia ki Rit paidbah na ka jingwan tyllep kiwei pat ki jaidbynriew heh paidbah bad kila pynsngew ba ki MLA baroh ki long kiba ia tylli khlem da ialeh politic ha kane ka jingdawa ILP.
Kane ka jingiakhih shong kyllain mungor kala sdang ha ka por 11 baje mynstep bad la pynkut ha ka por lai baje noh phai sngi katkum ka jingbit kaba la ai da ki bor jong ki District Administration bad kane ka jingiakhih kala iaid beit ha baroh kawei ka jylla.
