Ha dien 39 snem pat dep ka surok Thiedieng diaw ki paidbah

Shillong, Nohprah 16: Ka long kaei kaei kaba sngewlyngoh ha kaba ka tnad shna surok jong ka sorkar jylla mynta la 39 snem kam pat lah ban pyndep ia ka surok kaba leit na Mawsynram sha ka shnong Thiedieng. Ia kane ka surok la shna shisnem ha dien ba ka la ioh ia la ka jong ka jylla Meghalaya.

Ki briew jong kane ka thain ki la khmih lynti lano kane ka surok kan poi sha shnong jong jong ki ba kin lait na ka jingkit ia ki marrep da ka khlieh sha duh iew Mawsynram. Kumba ka long mynta ia ki marrep baroh la wan kit sha Mawsynram ban wan die.

Ki marrep kiba pynmih na kane ka shnong ki long, u kwai, Tympew, Soh Niamtra, sla tyrpad, synsar bad kiwei kiwei. Ki briew jong kane ka shnong ki hap ban kit da ka khlieh jong ki ban pynpoi ia kine ki marrep sha Mawsynram ban die ia ki.

Ki briew jong kane ka shnong ki la iaishah bad iai ap ia ka sorkar ba kan shna pyndep noh ia kane ka surok  kaba hap hapoh jong ka Mawsynram PWD Division. Ka jingtrei ka iaid hynrei ka jingsuki ka long kaba la palat.

Na ka liang jong ki nongshong shnong kane ka thain ki kyrpad ia ka sorkar ba ka dei ban pyndep noh ia kane surok namar ka long kaba don kam palat na ka bynta ka tei ka shnong. (SP News)

 

What Next?

Related Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet