Shillong, Nohprah 01: Ha dien ba ki 12 ngut ki MLA jong ka seng Congress hapoh ka jingialam jong u Dr. Mukul Sangam kila mih noh na ka party ha kine ki khyndiat sngi, mynta ka sngi la resign sa u Working President ka party u bah James Lyngdoh.
U bah James Lyngdoh u la shah thung kum u Working President bad u la ianeh ha kane ka kam hapoh ka MPCC bad kane ka jingmih noh jong u na ka party kala dang pynkyndit shuh shuh ia ki briew hapoh katei ka party.
Haba kren ha ki lat pathai khubor mynta ka sngi ha Shillong Press Club ban pynbna ia ka jingmih noh ka jong u na kane ka party mynta ka sngi u la kynnoh ba ka daw jong ka jignmih noh ka jogn u ka dei namar kane ka party Congress kam don shuh ia kata ka jingkyrmen la ha Delhi ne hapoh ka jylla.
U tei u nongialam jong ka party Congress u ba dei shisha u nongtrei ba shit ryhem ba tip ia ka duh ka dang jong ka party hapoh ka MPCC u la kynnoh ruh ba ka jingmih noh ka jong u na ka party ka dei ba kam don kata ka jingpyniaid iaid beit ia ka party.
Kane ka jingmih jong u bah James Lyngdoh na ka party kala pynkyndit ia kiba bun na ki nongkit kam ka seng Congress namar u dei u briew ba la trei shitom na ka bynta ka party hynrei mynta u la mih noh na ka party kaba la trei la bun bun phew snem.
Ia ka shithi resign la phah sha u general secretary ka AICC lyngba ka ophis jong ka MPCC bad la ong ba la don ha kane ka party mynta la kumba 33 snem ha dien ba lamih mynta la ong ba un lah ban pyniasoh ha kano kano party.
