Shillong, Naiwieng 29: U Myntri rangbah ka jylla u Conrad K Sangma ba dei ruh u MLA na ka South Tura u la ia kynduh ia ki paidbah kiba shah ha ka dong Reserved Gittim Zone II ban ia kren ia ki kam pynroi ha katei ka jaka.
Kiba shong katei ka jaka ha kine ki phew snem kiba la dep kim ioh ia ki skhim pynroi namar ki sah ha ka jaka jong ka sorkar, hynrei kane ka sorkar kaba la lam khmat da u NPP mynta ka snem kala shim ia ka rai ban ai pata ia kito ki briew kiba sah ha katei ka jaka lyngba ka GHADC.
U myntri rangbaj la jylla ba dei ruh u MLA jong katei ka jaka u la dep ban sam ia ki pata khyndew sha ki long iing kiba don da ki spah tylli ba kin long noh ki trai ia ka jaka ba ki shong wat la ka khyndew ka dei jong ka sorkar jylla.
Mynta ka sngi u Conrad u la ia kynduh ia ki briew kiba don ha katei ka jaka bad u la ong ba ha kine ki phew snem kiba la dep kane ka jaka kim ioh ia ki kam pynroi hynrei mynta ka sorkar ha dien ba kala ai ia ki pata kala sdang ban thep ia ki kam pynroi.
Ha kane ka jingialang ki riew rangbah kila ai jingkren ban pynsngew sha u myntri rangbah jylla ba dei ruh u MLA jong ki ia ki jingdon kam kiba kane ka dong Reserved Gittim Zone II ka don kam.
