Jowai, Nohprah 10: Mynta ka sngi ki nongialam jong ka KSU Jaintia Hills District kila leit ban ia kynduh ia u Deputy Commissioner jong ka East Jiantia Hills District u Bah F.M Dopth ban kylli ba balei ki bor jong ka District ki leit ban plie ia ka Dalmia Cement ha Thangksai ha dien ba ka seng kala khang tala.
U Samla Albinus Lamurong general secretary jong ka KSU Jiantia Hills District haba kren ha u SP News Agency mynta ka miet u la iathuh ba ha dien ka jingiakren bad ki nongialam jong ka seng na ka liang jong u DC u la kular ba la shai ka sngi un khot ia ki nongpyniaid ia ka Dalmia Cement ban ia kren bad ki halor ka jingshah khang tala.
U general secretary jong ka KSU Jaintia Hills District u la ong ba ha ka jingiakren bad u DC mynta ka sngi, na ka liang jong ka seng kila ong ba kila khang tala ia kane ka karkhana shna dewbilat halor ki nongrim ba ka seng kala lap ia ka jingleh bakla jong katei ka jaka pynmih dewbilat.
