Shillong, Naitung 15: U bah Vivek Syiem Superintendent Police jong ka nongbah Shillong, la iathuh ba mynta ka sngi kila ioh pdiang ia kawei ka ejahar na ka liang jong u bah Charlie Rani President ka United Hynniewtrep Movement (UHM) ba kila don ki briew palat phew ngut kila leit ban thombor ia u ha iing sah ha Mawlai Mawdatbaki.
Bah SP jong ka nongbah Shillong la iathuh ba la pynkit ia u bah Charlie sha Civil Hospital Shillong ban ioh ia ka jingsumar bala mynsaw ha katei ka jingshah thombor ha ki briew kiba ym pat lah ban tip. La iathuh ba kane ka jingjia kala jia ha ka por mynstep mynta ka sngi.
Halor katei ka ejahar kaba ki pulit kila ioh kila sdang ban tohkit ban lap ia kiba don kti ha kane ka kam rumar ban leit ban shah ia u tei u rangbah ha iing sah jong u ha Mawlai Mawdatbaki bad ka jingtohkit kala iaid ban lap ia ki nongleh ia kane ka kam runar.
