Shillong, Nohprah 13: Mynta ka sngi kala don ka jingiakhih pyrshah ia ka CAB ha Jantar Mantar ha nongbah Delhi ha kaba ki dkhot jong ka KSU Delhi unit kila ia shim bynta ha kane ka jingiakhih.
U wei na ki samla pule ha ka jingkren ka jong u la pynsgew ba kane ka jingleh jong ka sorkar BJP ha Delhi kala long ba khlem da khien shuh ia ka hok jong ki riewlum jong ka thain shatei lam mih ngi.
Ha kane ka jingkren la ong ruh ba ia kane ka CAB don kam ban rah sha Supreme Court ban ioh ia ka jingbishar namar kane ka long pyrshah ia ka riti synshar jong ka Ri India.
Ha kane ka jingiakhih na ka liang jong ka KSU Delhi Unit kala pyrta pyrshah ia ka CAB da kaba rah ruh ia ki pla kard ha kaba la thoh shai ba ki pyrshah ia ka CAB. Ha kane ka jingiakhih kila pyrta ruh ba ki dawa ba dei ban ai ia ka ILP ha kane ka jylla Meghalaya.
