Shillong, Rymphang 26: Mynta ka sngi ka iing bishar jong ka High Court jong ka jylla Meghalaya kala shong bishar ha kaba ia dei bad ka muktoduma kaba la ujor da u bah Latiplang Kharkongor halor ka jingpynjari ia ka Administrator Rule hapoh jong ka KHADC.
Ha kane ka jingshong bishar mynta ka sngi na ka liang jong ka High Court jong ka jylla Meghalaya kala buh tarik ban bishar biang ia kane ka mutkotduma ha ka 12 tarik u Lber jong u bnai ban wan.
Ha kane ka sngi na ka liang jong u muktiar u bah latiplang u K Paul u la pan ban pynsangeh shuwa ia kane ka jingbishar kaba dei mynta ka sngi namar ba um lah ban poi sha iing bishar na ki daw jong u shimet.
Ha ka juh ka por na ka liang jong u Advocate General jong ka sorkar jylla u A Kumar bad u muktiar S Sen, kila iathuh hapoh ka iing bishar ba ki kot ki sla kila don, hynrei u la pan jingbit lada long kaba lah ba u don kam ban ai jingthoh shuh shuh hapoh ka iing bishar halor ka jingthoh kaba la dep ai hapoh iing bishar.
Halor kitei ki jingkyrpad la ailad shitaiew ban ai shuh shuh ia kito ki jingthoh bad la bthah ba dei ban ai lang ruh ia ka jingthoh sha u muktiar jong u nongujor mukotduma, kumta la buh ba ia kane ka mukotduma ym bishar biang ha ka 12 Lber 2020.
