Shillong, Nohprah 05: U samla Biangbor L. Paliar Cahriamn ilekshon committee jong ka KSU mynta ka sngi u la pyntip ba ka Central Executive Council (CEC) kan pynbna ba yn jied ia ki nongkitkam kiba thymmai jong ka KSU Nongpoh Circle da kaba shu thep vote ha ka 15 tarik u Nohprah 2018.
Ka jaka ban pynlong ia kane ka election kan long ha ka Nongpoh Dorbar Hall, Sajer naduh ka por 10 baje mynstep haduh ka 01 baje janmiet. Ia ki nomination forms lah ban ioh na ka ophis treikam ka KSU North Khasi Hills District Unit ha Mawdiangum naduh ba la pynlait ia kane ka khubor. Ia ka scrutiny pat yn pynlong ha ka 11 tarik u Nohprah 2018 ha ophis treikam ka KSU NKHDU ha ka por 1 baje nohphai sngi.
