Shillong, Kyllalyngkot: Ka samoi trei kam jong ka Central executive Committee (CEC) jong ka KSU kala kut mynta ka sngi da kaba pynlong ia ka jingialang paidbah ia kaba la tip kum ka GEC ha iing dorbar shnong jong ka Jaiaw Lumpyllon, Shillong ha kaba baroh ki shnat trei kam jong ka seng kila ia wan ban ia shim bynta.
U president jong ka KSU u samla Lambokstarwell Marngar u la ong ba kane ka CEC kaba mynta kala long ka nongpeit shipor haduh ban da ioh ia ki nongkit kam ba pura jong ka seng. Ha kane ka jingialang ka GEC kala ai bor ia kane ka CEC ba kan peit ia ka jingtrei kam jong ka seng.
Ha kane ka GEC la shim ia ka rai ba ia ka ilekshon ban jied ia ki nongkit kam jong ka seng la rai ban pynlong ha ka 22 tarik Rymphang 2020. Haba ia dei bad kane ka CEC kan sa shong ban thaw ia ka election kommittee ban pyniaid ia ka ilekshon ban jied ia ki nongialam jong seng.
