Shillong, Naiwieng 15: U Bah RL Kharpran Adhoc Secretary jong “Ka Synjuk Ki Rangbah Kur Ka Bri Hynniewtrep” jong ka East Khasi Hills District Committee u la pyntip ba ka jingialang paidbah jong ka synjuk kan long ha ka 30 tarik mynta u bnai ha iing Dorbar Hall jong ka shnong Mission Compund ha jan iing skul DNS Wahlang Secondary School haka por 11.00 baje mynstep.
Ki nongkit kam jong ka synjuk la kyrpad ia ki nongialam jong ki kur bapher bapher hapoh jong ka East Khasi Hills District ba kin sngewbha ban ia poi sha kane ka jingialang ban ia kren bad ban pynshai halor ka jingthmu jong ka synjuk ban jied ia ki nongkit kam bad ban pynskhem ha kane ka sngi bad kiwei kiwei de.
Na ka liang jong ka SRKBH jong ka East Khasi Hills District Committee ka kynrpad sa shisien ia ki nongialam jong ki kur bapher bapher ba kin sngewbha ban ia poi khnang khnang ha katei ka sngi, la ong u bah RL Kharpran ha ka kyrwoh kaba la phah mynta ka sngi.
