Shillong, Nailar 23: U Nongialam ka liang pyrshah hapoh ka iing dorbar thawain ka jylla u Dr Mukul Sangma, u la ong ba ha kane ka Dorbar Synrai kaban sdang ha ka 6 tarik Nailur kila pynkhreh ban ia kren hapoh ka iing dorbar ha kaba ia dei bad u Dewiong bad kiwei kiwei ki phang ba ktah ia ka jylla.
Haba kren ha ki lad pathai khubor u la ong ba na ka liang jong ka party Congress kaba don 19 ngut ki MLA kin ia kren hapoh ka iing dorbar halor ka rai jong ka Supreme Court ha kaba ia dei bad u Dewiong, ha kaba u tei u nongialam u la kynnoh ba ka sorkar kala ialam bakla ia u paidbah.
Kawei pat ka jingiakren kan long halor ka jingkynnoh jong ka BJP kaba dei kawei na ki party kiba ia don lang ha kane ka sorkar MDA ba ka sorkar kam shym la leh ei ei ha kaba ia dei bad ki kam pynroi kaba la ktah ia ki paidbah jong ka jylla.
Nalor kitei ka party Congress kan pan jingpynshai ruh na kane ka sorkar MDA halor kiba bun ki jingkynnoh pyrshah ia kane ka sorkar bad ai ba u myntri rangbah ka jylla yn pynshai halor ki jingkynnoh ia kaba kin sa rah hapoh ka iing dorbar.
