Shillong Jymmang 14:Ka jingjur jong u slap ryngkat ka jingbeh kyrthep ka eriong ha ka por step mynta ka sngi ha kaba artylli ki dieng post electric ha G.S Road pyrshah ka Meghalaya Legislative Assembly kila khyllem ha kane ka jingjia ym shem don kano kano ka jingmynsaw.
Ka jingkhyllem jong kine ki artylli ki dieng post electrict la wanrah ia ka jingduh ym tang ia ka jingdkut ki ksainar light hynrei ki wire jong ki company kiba pynpur lyngba kine ki dieng post electrict kila dkut bad kala ktah ia ka jingtreikam ki kor internet.
Ka MeECL mar mar kila phah ia ki briew jong ka ban weng noh ia kitei ki dieng post electrict kiba la khyllem bad bujli thymmai noh da kiwei,ki nongtrei ka MeECL kila lah ban pyndep bad ban pynieng ia ki dieng post electrict ba thymmai mynta ka sngi.
Haba u SP News Agency u la ioh ban iakren bad ki briew kiba sah ha katei ka jaka la iathuh ba ki jingkhyllem kine ki dieng post electrict kala long antad kumba lai ne saw baje mynstep namar ka jur bha ka jingbehlyer ha katei ka por bad haba ki khie mynstep la iohi ba ki ar tylli ki dieng post kiba don marjan kila khyllem.
