Shillong, Iaiong 18: Ka kynhun shipai Border Security Force (BSF) bad ki Border Guard Bangladesh ha ka jingialang jong ka Sector Commander Level Coordination (SCLC) kaba la long ha ka kyrdan jong ki Commander la pynlong ha Bijoypur ha Bangladesh.
Ha kane ka jingialang la ia kren ba kumno ban teh lakam ia ki kam sniew ha khappud ha pdeng kine ki ar tylli ki ri, ban pynneh pynsah ia ka shong duk ha khappud hapdeng ka Ri India bad ka Bangladesh.
Ia kane ka jingialang na ka liang jong ki BSF la lam khmat da u Deputy Inspector Genenral (DIG) u Lalit Mohan Sharma ba dei peit ia ki bynta jong ka Garo Hills Tura, la don lang u Manoj Kumar Barnwal, DIG jong ka Shillong Sector.
Kaba na Bangladesh la don u Sector Commander jong ki BGB Mymensingh Sector, u Colonel Sarker Mohammad Mostafizur Rahman. U battalion commanders bad kiwei ki ophisar kila ia don lang ha kane ka jingialang.
Ha kane ka jingiakren kila ia ban jur ha kaba ia dei bad ki kam sniew ha khappud ha pdeng kine ki ar tylli ki bad ka jingwan rung beain bad ia kane dei ban ai jingtip mar kylliang ha ka por kaba biang kumno ban lah ban pahara ia ka pud ka sam.
Ha kane ka jingialang ia kren ruh ia ka jingiatreilang ban ia khun pyrshah ia ki kam sniew ha khappud ha pdeng kine ki ar tylli ki ri, kum ka jingiakhaii beain, ka jingiarung ia mih beain ki briew ba die ban khanglat.
Na baroh ar liang ki BSF bad ki BGB kila pdiang ia ka jingdon kam ban ia treilang ha ka jingiakhun pyrshah ia ki kam sniew da kaba ia ai jingtip mar kylliang ha kip or kiba biang bad ia ka jingialang la pynkut da ka jingiakular ba baroh ar ki kynhun shipai ban don ka jingiasngewthuh bad sahniah kaba mar kylliang ban pynneh pynsah ia ka shongsuk.
